Descripción del Artista
Nuria Figueiredo é unha artista multidisciplinar que vive e traballa en Pontevedra, onde forma parte do Estudio Pacheco, xunto con Berto Fojo, Jaime Olmedo e Natalia Umpiérrez. Matricúlase na Facultade de Belas Artes de Pontevedra, onde cursa os tres primeiros anos, licenciándose na Escola de Belas Artes de Bilbao no ano 2010.
Nuria recorda divertida o seu paso pola Facultade, como exprimía o enxeño á hora de desenvolver proxectos, algo que lle serviu para diversificarse profesionalmente e afrontar con valentía diferentes disciplinas: a ilustración, o debuxo, a estampación e o deseño textil, a pintura e ata a cerámica, técnica coa que se atopa experimentando na actualidade.
O seu perfil creativo encaixa á perfección co dunha persoa inqueda, tal cal como á propia Nuria gústalle definirse.
Entre os proxectos dos que se sente máis orgullosa destaca A Fabriquería (Tui), unha mestura de taller e espazo creativo do que formou parte e no que se ofertaban actividades culturais, concertos, talleres, etc.; entusiásmalle o mundo do Fanzine, para o cal desenvolveu un imaxinario moi particular no que as mans ocupan un papel fundamental; enorgullecese de colaborar no deseño de todo tipo de carteis e elementos publicitarios co Liceo Mutante; e tamén das súas pinturas e estampados.
Sobre estos últimos sinalar que é un dos xéneros que mellor domina Nuria, a estampación e o deseño textil, entendéndoo como unha técnica complementaria e enriquecedora na liña de grandes artistas como Sonia Delaunay, Dufy, Picasso, Mirou ou Warhol, os cales souberon ir máis aló dos límites que marcaban as súas propias disciplinas.
Como aqueles, Nuria fixo extensible o seu talento creativo a todo tipo de soportes: tecidos, sudaderas, camisetas, broches...
A vitrina non a asusta mentres que non se empañe o cristal e déixelle ver o exterior.
Exposición. 17 dic de 2024 - 16 mar de 2025 / Museo Picasso Málaga / Málaga, España
Formación. 01 oct de 2024 - 04 abr de 2025 / PHotoEspaña / Madrid, España
