Descripción de la Exposición
Nado en Pontevedra o 28 de outubro de 1906, Xosé Fernando Filgueira Valverde foi un intelectual de vasta e sólida formación, profesor e investigador, un dos derradeiros grandes polígrafos que deu Galicia.
Incansable traballador, foi xestor e promotor de moitas das empresas culturais da súa época. A máis sobranceira é o Museo de Pontevedra, do que será director entre 1940 e 1986, fundando ademais a revista El Museo de Pontevedra en 1942. Compre subliñar, pola súa importancia, a adquisición do legado de Castelao polo Museo, grazas á iniciativa persoal de Filgueira Valverde, quen o librou así da súa máis que probable dispersión por parte das autoridades da ditadura, que se incautaran dos bens de Castelao en Pontevedra. En 1976 participa na creación do Museo do Pobo Galego, do que foi patrón ata a súa morte. Membro da Real Academia Galega desde 1941, numerario da Real Academia da Historia desde 1980, Presidente do Consello da Cultura Galega en 1990.
Finou en Pontevedra o 13 de setembro de 1996.
Exposición. 09 ene de 2025 - 14 feb de 2025 / Galeria Leandro Navarro / Madrid, España
Formación. 01 oct de 2024 - 04 abr de 2025 / PHotoEspaña / Madrid, España
