Descripción de la Exposición
Apprentice Master Project reuniu en setembro de 2015 na cidade de Tilburg (Holanda) a 19 facultades de arte europeas e unha chinesa. As universidades participantes foron as de Maastricht, Nottingham, Prague AAAD, Brussels, Utrecht, Limerick, Hasselt, Prague FAMU, Amsterdam, Ghent, Rotterdam, Enschede, Tilburg, Dublin, Budapest, Vigo, Ljublijana, Kaunas e Xiamen.
Cada unha destas facultades seleccionou, entre o seu alumnado de último curso de grao, de master ou de doutoramento, un grupo de estudantes que ao longo deste ano están participando nas distintas exposicións que teñen lugar nas diferentes sedes asociadas ao proxecto. A Facultade de Belas Artes de Pontevedra da Universidade de Vigo seleccionou os traballos de Alba Blanco Boga, José Manuel Vidal, Yolanda Ríos, Román Corbato, María Prada, Marta Bran e Rita Rodríguez. Estes artistas mostraron a súa obra en cidades como Rotterdam, Tilburg, Limerick ou Amsterdam.
O obxectivo principal deste encontro é facilitar o intercambio cultural entre as institucións e artistas participantes así como crear unha rede de exposicións en diferentes cidades europeas. En cada sede participante do proxecto desígnase unMáster que actuará como comisario da exposición.
Na Facultade de Belas Artes da Universidad de Vigo o máster foi o profesor Carlos Tejo, que comisariou a exposición que se inaugura na Sala X. As artistas participantes son: Kolbrun Inga Soring (Utrecht), Annahita Asgari (Amsterdam), Vanja Erjavec (Ljubljana), Loe van Klaveren (Rotterdam) e Tina Grifoni (Brussels). A exposición leva por título: "Space is our territory" e toma como punto de partida unha definición de espazo amplo e indefinido onde, aparentemente, as fronteiras desaparecen dando paso á construción de identidades heteroxéneas e mutantes. A maioría das pezas aquí presentadas derivan do proceso de traballo desenvolvido polas artistas trala súa chegada a Pontevedra. Sen dúbida, nas súas obras poderemos detectar un gusto pola contaminación cultural que nos invitará a repensar o noso propio territorio, a nosa persoal maneira de estar no mundo.
Exposición. 17 dic de 2024 - 16 mar de 2025 / Museo Picasso Málaga / Málaga, España
Formación. 01 oct de 2024 - 04 abr de 2025 / PHotoEspaña / Madrid, España
