Sebas Anxo

Exposición / Galería Besada / Concepción Arenal, 1B / O Grove, Pontevedra, España
Ver mapa


Cuándo:
26 oct de 2012 - 04 dic de 2012

Inauguración:
26 oct de 2012

Organizada por:
Galería Besada

Artistas participantes:
Sebas Anxo

---

Etiquetas
Pintura  Pintura en Pontevedra 

       

---

Descripción de la Exposición

'O conxunto de elementos semellantes en cor, forma, textura e material que leva incorporado durante xa longo tempo no seu discurso plástico o artista arousán Sebas Anxo, móstranse nesta exposición a xeito de 'panoplia' (no sentido figurado) nunha serie de 'collages' e pinturas que colga esta vez na galería Besada da vila de Ogrobe.

 

Sebas Anxo achéganos co seu traballo ao artista que se emparenta coa investigación. Atopámonos ante o artista que reivindica o 'proceso' como o auténtico motor da súa creación. Ao final é o único fin en sí mesmo. O resultado, ainda que intencionadamente controlado, evidencia unha sorte de metamorfose pola que os elementos utilizados pasan dun xeito inevitable para ser finais de probabilidades infinitas. Os elementos do acontecemento vital do taller sucédense na serie de traballos que finalmente nos presenta en cada una das exposicións que levamos ollado deste artista. No seu proceso habitual, traballa en tres fases ben diferenciadas ao xeito de cómo o fan os lepidópteros (as bolboretas pois) nas que se vai construindo e conformando una espiral de aprendizaxe e na que a exploración e a investigación é o núcleo principal.

 

Nesta exposición: 'panoplies des papillons', título que fai referencia directa ao dito con anterioridade, preséntanos, máis dunha ducia de traballos de diferentes tamaños, onde as cores intensas e fortes ao modo dos 'fauves' aqueles, flúen nos diferentes papeis que se curtan e transforman, ás veces formalmente xeométricos ou orgánicos. Cunhas bases ricas e cheas de matices e intencionalidades, lembran ao xesto dos expresionistas abstractos: algo que Sebas Anxo nunca deixou de ser ou quizáis nunca deixou de permitir a súa influencia. Seguramente sabe que isto sucede inevitablemente durante a creación. A pintura recolle o tempo e o tempo é o que se ve, o xesto final (o que vemos) queda ligado a una probabilidade única e irrepetible e hai que estar ahí absorbido polo tempo para atrapala'.

 

---