Antonio Fernández Gómez (Goián, 1882-1970) é, desde a perspectiva da historia da arte galega, un pintor excéntrico. Nacido en Goián (Tomiño) e formado no Brasil, onde emigra en 1894 con apenas doce anos, o artista vai realizar a súa formación entre o país americano e Italia, onde chega en 1901, despois seu paso por Nápoles e Roma e instalándose no verán de 1902 na vila de Anticoli Corrado, nos montes Abruzzi, unha localidade da provincia de Roma no Lazio. Estes aspectos biográficos farán que dentro da tradición galega a súa obra teña unha presenza serodia xa que non se instala definitivamente en Galicia, en concreto no seu Goián natal, até finais da década dos vinte, cando xa ten 48 anos....