“Como un ecu, cada escritu en verdes y azules, ocres o negros, devuélvenme a la esperiencia, a un reinu con atmósfera qu’envolumbraa les formes y a la tierra, a la unidá estarazada, a estructures complexes, a harmoníes ocultes, a lleis misterioses del azar, a la llende, siempre llendes, llendes como horizontes lluminosos, nidios y llixeros. Caligrafía nel espaciu vacíu d’una sala, nun hai panorama, nin valles, nin montes, nin regueros seles. La naturaleza estazada define los márxenes del cuerpu. Nun hai equí mitos, nin riscos, nin xamasca, hai azar, quiciabes una figura no fondero, como escondida, como cuando los neños afayen el mundu dende debaxo d’una mesa.” Adolfo Manzano Comisaria: Guillermina Caicoya Organiza: Lorena Salmón (Sociedad Pública de Gestión y promoción Turística y Cultural del Principado de Asturias) Asturias Cultura en Rede.