Ephemera

Exposición / Museo Provincial de Lugo / Praza da Soidade, s/n / Lugo, España
Ver mapa


Cuándo:
16 nov de 2017 - 28 ene de 2018

Inauguración:
16 nov de 2017 / 20:00

Organizada por:
Museo Provincial de Lugo

Artistas participantes:
David Catá

---

Etiquetas
Fotografía  Fotografía en Lugo  Instalacion  Instalacion en Lugo  Pintura  Pintura en Lugo  Video arte  Video arte en Lugo 

       

---

Descripción de la Exposición

Herodoto, historiador grego do s. V a. C. considerado como o pai da historia, definía aos humanos como seres efémeros de azaroso destino. A vida é efémera e está chea de momentos fuxidíos. Esta premisa artella toda a mostra de David Catá e, incluso, diríamos a meirande parte da súa produción artística. A composición de múltiples momentos fugaces relatados en series ou proxectos concretos e captados sobre todo fotograficamente, consolidan ou recuperan instantes perdidos: xogos de luces e sombras, motas de pó, dentes de león flotando ou pousados etereamente … que, en conxunto, lembran sempre conceptos profundos cargados de sim­bolismos existenciais, a pesar da súa aparente fraxilidade. O pasado persoal e familiar, os descoidos da memoria, o paso do tempo, a dor das perdas e as lembranzas, son temas tratados polo artista viveirense a través de intervencións, instalacións, pintura, fotografía, música ou videoarte. A creatividade multidisciplinar de Catá fai que poda expresarse a través de varios medios utilizando similares conceptos ou fíos argumentais. Co uso desas distintas modalidades de expresión, misturando imaxes e música, por exemplo, consegue que a comunicación ou a transmisión das súas inquedanzas cheguen citius, altius et fortius. Non obstante, o existencialismo conceptual, subxacente na presentación visual das obras recompiladas para esta exposición, non reflicte pesimismo nen angustia, senón máis ben unha serena aceptación inherente a esa beleza formal. Ephemera chega con David Catá nun momento de madurez creativa, que non vital (Viveiro, 1988), resultado dunha consolidación artística profesional, con varios recoñecementos e premios acadados recentemente, e como produto dunha intensa busca interior para atopar o seu camiño e medio de ex­presión. Esta exposición vai máis alá de amosar os periplos dunha busca estética ou creativa, é un exercicio ca­tártico no que pranta cara ao esquecemento “facendo carne” o sufrimento. Aurelia Balseiro e David Catá Lugo, novembro 2017

---