Descripción de la Exposición
Jaime Arcay Fernández preséntanos a serie Arte Cuneteira (Ditch art), reflectindo as manifestacións artísticas espontáneas, teñan maior ou menor fortuna. María Jesús Fariña Busto, coa serie Xeometrías en ferro, trasládanos aos efectos que tivo a Revolución Industrial na burguesía. Lacenas, o aspecto máis doméstico da apicultura, é a proposta de Suso García Devesa, que se aproxima ao mundo da produción do mel. Testemuño da vida nas pequenas aldeas e de outros tempos é Atardecer na aldea: patrimonialización dos vellos, de Rosa García-Orellán. Clodio González-Pérez amosa, con Os hórreos de Piornedo, o valioso patrimonio dos hórreos da Serra dos Ancares. O mundo das avoas, co seu xeito de vida san e a súa resistencia, vese en Avoas biosaudables, de José Francisco Méndez García. Outra volta da arquitectura tradicional está ben documentada na serie de José María Laredo Cordonié, Fachadas de cunchas. Os muíños e batáns, con toda a súa historia podemos admiralos nas fotografías deXosé Mª Lema, O conxunto etnográfico dos batáns e muíños do Mosquetín na Terra de Soneira. O aproveitamento gandeiro nas serras é o tema principal de Cabalos ceibos, de Xoán Ramón Marín Martínez. Lousando o fume é a proposta de Xoán Xosé Molina Vázquez, que nos achega á plástica da decoración das chemineas de lousa luguesas. A simboloxía da propiedade dos inmobles na Compostela do Barroco é o fío condutor da serie Emblemas de propiedade na cidade de Compostela, de Fuco Sanjiao Otero. O punto final da mostra está en A beleza do imperfecto, no que Mari Vega proponnos un exercicio arredor das vivencias dos seus protagonistas.
Exposición. 09 ene de 2025 - 14 feb de 2025 / Galeria Leandro Navarro / Madrid, España
Formación. 01 oct de 2024 - 04 abr de 2025 / PHotoEspaña / Madrid, España
