A arte require implicación

Exposición / Sala X - Sala de Exposicións do Campus de Pontevedra / Facultade de Belas Artes. Rúa Maestranza, 2 / Pontevedra, España
Ver mapa


Cuándo:
01 mar de 2018 - 23 mar de 2018

Inauguración:
01 mar de 2018 / 12:00

Horario:
De luns a venres das 12 ás 14 h e das 18 ás 20 h.

Organizada por:
Sala X - Sala de Exposicións do Campus de Pontevedra

Artistas participantes:
#EnMarcados na Resistencia

       

---

Descripción de la Exposición

Resistencia e implicación son as palabras clave ao redor das cales se articula esta exposición “A arte require implicación”, que desde o colectivo #Enmarcados na Resistencia presentamos na Sala X da Facultade de Belas Artes de Pontevedra. A pesar da diversidade de institucións dedicadas á arte contemporánea a escaseza de medios de produción provocan que a realidade profesional no ámbito artístico sexa cada vez mais precaria. A relación de dependencia que manteñen as institucións culturais co poder político condiciona a xestión destas institucións. Esta relación xera que os proxectos culturais queden relegados a experiencias máis próximas ao entretemento en lugar de ser espazos independentes, dedicados á investigación, educación, conservación e difusión da cultura contemporánea. Se a arte necesita implicación, como colectivo implicámonos co que temos máis preto. A partir da situación actual na que o MARCO se atopa, debido á falta de de un concurso público, aberto e profesional para designar a un novo director, reunímonos como colectivo para reflexionar sobre a xestión da arte e a profesionalización dos artistas. Despois dun proceso de meses de traballo, reunións, debates e análises documental sobre este suceso decidimos pasar á acción a través dun acto en colaboración coa Agrupación Amigos do MARCO e A Colectiva (asociación profesional de artistas galegos). Nesta acción, con participación cidadá para opoñer resistencia colectiva, realizouse unha cola ás portas do museo para entrar á inauguración dunha exposición que nunca se ía a celebrar, denunciando e dándolle visibilidade á paralización dos proxectos do museo. Fotografías e vídeo desta acción son parte desta exposición na que todas as pezas son de autoría colectiva. Documentación que non só é rexistro senón que tamén é obra, que debe ser activada polo espectador. A estas pezas úneselles unha obra simbólica composta por 6964 folios que representan o número de firmas recollidas pola Agrupación Amigos do Marco en defensa do museo e a súa xestión independente. Firmas recollidas a través de internet e a pé de rúa entre as que figuran artistas, directores doutros museos, galeristas, xestores culturais… Co obxectivo de activar ao espectador como parte integrante da cultura, presentamos un texto en forma de instalación site specific: “A arte require implicación”, unha frase que invade o espazo central da Sala X e atrapa ao espectador de maneira inevitable. Por todo isto esperamos que esta exposición, creada polo grupo colectivo #Enmarcados na Resistencia sexa un toque de atención para expresar que a cultura e a arte en particular envólvenos a todos e require da nosa implicación, sobre a que a sociedade se constrúe.

---